प्यूठान— प्यूठानका तीन क्याम्पसमा सम्पन्न स्वतन्त्र विद्यार्थी युनियन (स्ववियु) निर्वाचनमा तीनवटै प्रमुख विद्यार्थी संगठनका उम्मेदवार विजयी भएका छन्। प्यूठान क्याम्पस, गौमुखी क्याम्पस, र अमर क्याम्पसमा क्रमशः नेविसंघ-अखिल छैठौं गठबन्धन र अनेरास्ववियुले सभापति पद जितेका हुन्। प्यूठान क्याम्पस खलंगा:- प्यूठान क्याम्पसमा नेविसंघ र अखिल छैठौं गठबन्धनका प्रमोद ओली स्ववियु सभापतिमा विजयी भएका छन्। उनले ४६ मत प्राप्त गर्दै अनेरास्ववियुका रुद्रमणी भुसाललाई १२ मतको अन्तरले पराजित गरे। भुसालले ३४ मत प्राप्त गरे। निर्वाचनमा ८० मत खस्दा प्रत्यक्ष तर्फ गठबन्धनकै उम्मेदवारहरू विजयी भएका छन्। सचिवमा अखिल छैठौंकी सावित्रा नेपालीले ४२ मत प्राप्त गरिन् भने कोषाध्यक्षमा नेविसंघकी खिमा कुमारी घर्ति मगर ३९ मतसहित विजयी…
