प्यूठान। विद्यार्थीहरुको शिकाई क्षेमता बृद्धि गर्ने उद्देश्यले प्यूठान नगरपालिकाको नमुना माध्यमिक विद्यालय जनता मा.बि. बाग्दुलाले आज सिकाई मेला गरेकोछ। मेलामा अङ्ग्रेजी, नेपाली, गणित, विज्ञान, सामाजिक र स्थानीय, लेखा तथा प्रविधि गरि ६ वटा स्टलमा सिकाई सामग्री प्रदर्शनमा राखिएको थियो । ६ स्टलमा राखीएका सिकाई सामग्रीको अवलोकन बिद्यालयका सबै कक्षाका विद्यार्थी, शिक्षकहरुलाई गराईएको प्रधानाध्यापक ईन्द्रमणी पोख्रेलले जानकारी दिए। उनले भने,"सिकाइ सुधारका लागि नियमित अभिभावक शिक्षा, शैक्षिक सुधारका लागि स्थानीय शैक्षिक सामाग्रि निर्माण तथा प्रयोग, शैक्षिक अबलोकन भ्रमण, प्राबिधिक शिक्षा लगायतका गतिविधिहरु संचालन गर्ने गरिएको छ ।" परम्परागत सामग्री, स्थानीय परिकार, सराय नाँच, भजन, दुना टपरी, वत्ति कात्ने सीप समेत प्रदर्शन गरिएकाे…
प्यूठान । जिल्लाको प्रमुख व्यापारिक केन्द्र वाग्दुला देखि नौबहिनी गाउँपालिकाको केन्द्र बाहाने सम्मको १२ किलोमिटर सडकखण्ड अन्तर्गत पर्ने दम्ती-धाईरे-अधेरीको ६ किलोमिटर सडक कालोपत्रे गर्न ठेक्का प्रकृया सम्पन्न भैसकेपछि कामको थालनी गर्न लुम्बिनी प्रदेशका सहरी बिकास तथा खानेपानी मन्त्री सरोज थापा (रोज राणा)ले आज शोमबार सिलान्यास गरी सुभारम्भ गर्नुभएको छ । प्यूठान नगपालिका र नौबहिनी गाउँपालिका अन्तर्गत पर्ने उक्त सडक कालोपत्रे गर्न २ खण्डमा बिभाजन गरेर ठेक्का लगाएको शहरी बिकास तथा भवन कार्यालय दाङले जनाएको छ । सडक आ.ब. २०८२÷०८३ को असार मसान्तभित्र निर्माण सक्ने गरी हरियाली निर्माण सेवाले धाईरे-अधेरी र एजी कन्ट्रक्सनले दम्ती धाईरे खण्छडमा ठेक्का लिएका छन् । तोकिएको…
२० नोभेम्बर । आज ३६ औँ अन्तर्राष्ट्रिय बाल अधिकार दिवस प्यूठानको खैरा स्थिर उमा महेश्वरी मा बि मा रहेका १७ जना अपाङ्गता बालबालिकालाई स्टेसनरी सामग्री वितरण गरि मनाएको प्यूठान स्थित सामाजिक विकास डिभिजन कार्यालयका प्रमुख रामकरन पालले बताए। संयुक्त राष्ट्रसङ्घको महासभाबाट सन् १९८९ को नोभेम्बर २० मा बाल अधिकारसम्बन्धी महासन्धि पारित भएको दिनलाई स्मरण गरी पक्षधर राष्ट्रले आजका दिन अन्तर्राष्ट्रिय बाल अधिकार दिवसको रुपमा मनाउँदै आएका छन् । बालबालिकाको बचावट, संरक्षण, विकास, सहभागितालगायत विषय कार्यान्वयन गरी बाल अधिकार सुनिश्चितताका लागि अन्तर्राष्ट्रिय बाल अधिकार दिवस विश्वभर मनाइँदै आएको हो । नेपालमा संयुक्त राष्ट्रसङ्घको बाल अधिकार महासन्धि, १९८९ का ४२ धारा सबै…
शागर रिजाल प्यूठान । ऐरावती गाउँपालिका १ दाङ्गबाङ्ग स्थित अमिलीमा भारत सरकारको ८० प्रतिशत अनुदानमा नयाँ विद्यालय र छात्रावास भवन निर्माण भएको छ । अमिलीस्थित दाङ्गवाङ्ग माध्यमिक विद्यालयलाई ३ करोड ३९ लाख २२ हजार ५ सय १ रुपैयाँमा विद्यालय भवन र छात्रवास निर्माण सम्पन्न गरी बुधवार एक समारोहका बिच विद्यालयलाई हस्तान्तरण गरिएको ऐरावती गाउँपालिकाले जनाएको छ । भारतीय सरकारको ८० र ऐरावती गाउँपालिकाको २० प्रतिशत लागतमा भवन निर्माण सम्पन्न भएको हो । बुधबार भारतीय राजदूतावास काठमाडौंका काउन्सिलर गीतांजलि ब्रैंडन र ऐरावती गाउँपालिकाका अध्यक्ष नविल विक्रम शाहले संयुक्त रूपमा उद्घाटन गरेसँगै भवन प्रयोगमा आएको छ। भारत सरकारको उच्च प्रभाव सामुदायिक विकास परियोजना अन्तर्गत…
प्यूठान । धनञ्जय गोत्रिय भण्डारीहरुको उद्गम स्थल लुप्लुङ्गमा पाँच बर्षपछि देवाली हुने भएको छ । नौबहिनी गाउँपालिका –८ लुप्लुङ्गमा धनञ्जय राष्ट्रिय संग्रहालय –देवघर निर्माण भएको छ । संघ्रहालय निर्माण सँगै आगामी मंसिर ११ र १२ गते तिथिअनुसार देवाली कुलपुजा गर्ने लुप्लुङ्ग झुलेनी बराहक्षेत्र संरक्षण केन्द्रका महासचिब धनेश्वर भण्डारीले जानकारी दिए । पर्यटन पुर्बाधार सँग जोडिएको धनञ्जय राष्ट्रिय संघ्रहालय निर्माणका लागि लुम्बिन प्रदेश सरकारको आ व २०८१÷०८२ मा १७ लाख ठेक्का लागएर काम सुरु भएको थियो । उक्त रकम सहित करिब ७० लाख रुपैया खर्च भैसकेको निर्माण समितिले जनाएको छ । ८५ प्रतिशत काम सकिएको भएपनि कम्पाउण्ड तथा भित्री डेकोरेसन र…
प्युठान । प्युठानको प्रसिद्ध धार्मिक तीर्थस्थल स्वर्गद्वारी मन्दिरमा 'स्वर्गद्वारी महाप्रभुका आशीर्वचनहरु' कृति विमोचन गरिएको छ । सोमबार प्युठान झिमरुक गाउँपालिका-६ दहखोला निवासी सष्टा भोजु गिरीद्वारा लिखित 'स्वर्गद्वारी महाप्रभुका आशीर्वचनहरु' कृति विमोचन गरिएको हो । स्वर्गद्वारी मन्दिरमा भएको कार्यक्रममा लेखकले इतिहासको गहिरो अध्ययन गर्दै प्रकाशित गरेको उक्त कृति पाठकको लागि पठन योग्य रहेको प्रमुख अतिथि स्वर्गद्वारी मन्दिर (शक्तिपीठ) का स्वामी दत्तानन्द गिरीले बताउनुभयो। स्वामी गिरीले कृति सबैले बुझ्ने गरि लेखिएको र संसारभरीका सनातनीहरुको आस्था बोकेको स्वर्गद्वारीको विविध पक्षको प्रस्तुत गरिएकोले यो कृतिको समाजमा लोकप्रियता बढ्ने बताउनुभयो । स्वर्गद्वारी मन्दिर परिसरमा रहेको संस्कृत वेद पाठशालाका प्रधानाध्यापक गुरु मधु अधिकारीले सष्टा भोजु गिरीद्वारा…
प्यूठान । होटल व्यवसायिहरुको छाता संगठन होटल व्यवसायि संघ तथा पर्यटन सूचना केन्द्र प्यूठानले प्यूठानका प्रहरी नायव उपरिक्षक नरहरी अधिकारी लाई स्वागत तथा सम्मान गर्दै विजया दशमी तथा दिपावली छट सहितका चाडबाडहरुको शुभकामना आदान प्रदान गरेको छ । संघका अध्यक्ष लिलाधर न्यौपानेको अध्यक्षता तथा डिएसपी अधिकारीको प्रमुख आतपथ्यतामा होटल व्यवसायि महासंघका केन्द्रीय सचिव धनेश्वर भण्डारी, प्रदेश समिति बरिष्ठ उपाध्यक्ष दधिराम भण्डारी, कोषाध्यक्ष जुद्ध कवर,संस्थापक तथा पुर्व अध्यक्ष लगायतले कार्यक्रममा शुभकामना व्यक्त गरेका थिए। कार्यक्रममा जिल्लामा होटल व्यवसायिहरुको सुरक्षा अवस्था, चुनौती र आपसी समन्वय कसरी व्यवस्थित गर्ने भन्ने बिषयमा छलफल समेत भएको संघका महासचिव खेमराज बस्नेतले बताए ।
जोगिन्द्र मल्ल प्यूठान । प्यूठान जिल्लाकै उत्कृष्ट एवम् रमणीय पर्यटन गन्तव्य गौमुखी गाउँपालिकाले पर्यटन बर्ष २०८२ मनाउने भएको छ । पालिकामा अवस्थित पर्यटकीय क्षेत्रहरुको प्रचार - प्रसार गरि पर्यटन प्रबर्द्धन गर्न गाउँपालिकाले नेपाल पत्रकार महासंघ प्यूठान शाखाको संयोजनमा जिल्लामा कृयाशिल सञ्चारमाध्यम र पत्रकारहरु बिच छलफल गरेकोछ । गौमुखी गाउँपालिका र पत्रकार महासंघ बीच सहकार्यमा जिल्लास्थित सबै सञ्चारमाध्यममा कार्यरत कृयाशिल पत्रकार परिचालन गरि गौमुखीको पर्यटकिय स्थलहरुको प्रचार -प्रसार गर्ने र एक लाख पर्यटक गौमुखीमा भित्र्याउने लक्ष्य सहित भ्रमण बर्ष मनाउन लागिएको हो । सोमबार पत्रकार महासंघ सम्पर्क कार्यालय तथा सूचना केन्द्र विजुवारमा गौमुखी गाउँपालिका उपाध्यक्ष महाबिर राना सहित बैठक सम्पन्न भएको…
प्यूठान । संघिय सरकारका कृषि तथा पशुपन्छी विकास मन्त्री रामनाथ अधिकारीले सबै पालिकालाई स्थानिय उत्पादनलाई प्राथमिकता दिएर काम गर्न निर्देशन गर्नुभएको छ । प्यूठानको स्वर्गद्वारी नगरपालिकाको कृषि तथा पशुपन्छी सेवा केन्द्रको नव निर्मित भवनको उद्घाटन गर्दै जनप्रतिनिधिले गरेका हरेक काम जनताले सधै सम्झने गरि काम गर्न आग्रह गर्दै हरेक स्थानिय तह कृषिमा आत्मनिर्भर हुने गरि योजन ल्याउन आग्रह गर्नुभयो । उहाले भन्नुभयो,`आफ्नो मृत्यु भएपछि १३ ओैं दिन सम्म त छोराछोरीले सम्झन्छन्, तर सधै भरी सबैले सम्झनका लागि जिम्मेवारीमा, र पदमा भएकाेबेला राम्रो काम गर्न जरुरीछ ।त्यसैले म सबै स्थानिय तहले स्थानिय उत्पादनमा जोड गरौँ । कृषिमा सबै स्थानिय तह आत्म…
बाबुराम के.सी प्यूठान । गौमुखी गाउँपालिकाले अघिल्लो ५ बर्षे कार्यकालमा पालिकाका ७ वटै वडामा नागरिकका घरका खरको छाना हटाएर जस्ता पाताले रंगायो । यस कार्यकालमा नागरिकको घरघरमा शुद्ध पिउनेपानी पुर्याईदिने अभियानलाई सार्थक बनाउने लक्ष्य लिएको छ । पालिकाले नागरिकको घरघरमा धारा जडान गर्ने कार्यक्रमलाई ऐतिहासिक कदमको रुपमा लिएको छ । पालिकाको ३,५ र ६ नं वडामा ५ सय ४१ घरधुरीका ४ हजार ७ सय २५ जनसंख्या लाभान्वित हुने गरी सबै मापदण्ड बमोजिम शुद्ध पिउनेपानी पुर्याउने भएको छ । ७ वटा बिद्यालयमा समेत गरि कुल ५ सय ५२ धारा जडान गरिने छ । यो अभियान यसै आर्थिक बर्ष भित्र सम्पन्न गर्ने…