प्यूठान। विद्यार्थीहरुको शिकाई क्षेमता बृद्धि गर्ने उद्देश्यले प्यूठान नगरपालिकाको नमुना माध्यमिक विद्यालय जनता मा.बि. बाग्दुलाले आज सिकाई मेला गरेकोछ।
मेलामा अङ्ग्रेजी, नेपाली, गणित, विज्ञान, सामाजिक र स्थानीय, लेखा तथा प्रविधि गरि ६ वटा स्टलमा सिकाई सामग्री प्रदर्शनमा राखिएको थियो । ६ स्टलमा राखीएका सिकाई सामग्रीको अवलोकन बिद्यालयका सबै कक्षाका विद्यार्थी, शिक्षकहरुलाई गराईएको प्रधानाध्यापक ईन्द्रमणी पोख्रेलले जानकारी दिए। उनले भने,”सिकाइ सुधारका लागि नियमित अभिभावक शिक्षा, शैक्षिक सुधारका लागि स्थानीय शैक्षिक सामाग्रि निर्माण तथा प्रयोग, शैक्षिक अबलोकन भ्रमण, प्राबिधिक शिक्षा लगायतका गतिविधिहरु संचालन गर्ने गरिएको छ ।”
परम्परागत सामग्री, स्थानीय परिकार, सराय नाँच, भजन, दुना टपरी, वत्ति कात्ने सीप समेत प्रदर्शन गरिएकाे थियाे । मेलाका कारण सिकाई स्थानान्तरण समेत हुने भएकाले उपलब्धि मुलक भएको प्र अ पोख्रेलको भनाई छ ।
पञ्चकन्याद्वारा गमलामा सिचाइ गरि मेला उद्घाटन गरिएकाे थियो । मेलामा वि व्य स , शिक्षक अभिभावक संघ, शिक्षक, विद्यार्थी, अभिभावक तथा छिमेकी विद्यालयका प्र अ तथा शिक्षकहरूकाे समेत उपस्थिति थियाे । उक्त विद्यालय जिल्लाका सबैभन्दा धेरै विद्यार्थी छन् । जहाँ १ हजार ५ सय भन्दा बढी बिध्यार्थी अध्ययनरत छन् भने बिद्यार्थी, शिक्षक र अभिभावक सहित करिब २ हजार बढीले शिकाईमेला अवलोकन गरेको विद्यालयले जनाएको छ।
फोटोहरु : शिक्षक माधव पोख्रेल
