प्यूठान – २०६२/०६३ को जनआन्दोलनपछि बितेका करिब दुई दशकमा १६ वर्ष सत्तामा बसेको नेकपा माओवादी केन्द्र अहिले प्रमुख प्रतिपक्षको भूमिकामा छ। बैज्ञानिक समाजवाद र साम्यवादी गणतन्त्रलाई आफ्नो लक्ष्य ठान्ने, संघीयता र धर्मनिरपेक्षतालाई आफ्नो उपलब्धि बताउने माओवादीले १५/१६ वर्षे शासनकालमा प्रदेश र स्थानीय तहलाई अधिकार सम्पन्न बनाउने सवालमा भने अपेक्षित काम गर्न सकेन। आवश्यक कानुन निर्माण र जनअधिकारको कार्यान्वयनमा अन्य संसदीय दलहरूसँगै आफूहरू पनि अन्योलमा परेको कुरा माओवादी उपाध्यक्ष तथा पूर्व उपराष्ट्रपति नन्दबहादुर पुनले स्वीकार गरेका छन्। "अझै पनि जनताको पक्षमा लड्न तयार छु" पुनले आफू परिवर्तन, गणतन्त्र र जनअधिकार स्थापनाका लागि लडेको व्यक्ति भएकोले बाँकी जीवन पनि जनताको सेवामा समर्पित…
