सरोकार पोष्ट

भालुवाङ । लुम्बिनी प्रदेश सरकारले आगामी आर्थिक वर्षदेखि प्रदेशका १२ वटै जिल्लाबाट यातायात व्यवस्था सम्बन्धी सेवा विस्तार गर्ने निर्णय गरेको छ । मन्त्रिपरिषद्को शुक्रबार बसेको बैठकले यातायात व्यवस्था कार्यालय नभएका गुल्मी, अर्घाखाँची, प्युठान, रोल्पा, रुकुम पूर्व, बर्दिया तथा दाङको घोराहीबाट सवारी दर्ता किताब नवीकरण र अस्थायी बाटो इजाजत सेवा सञ्चालन गर्ने निर्णय गरेको हो । अब यी जिल्लाका नागरिकहरूले सेवा लिन दाङ, बुटवल वा नेपालगञ्ज धाउनुपर्ने बाध्यता हट्ने भएको छ । सेवाग्राहीहरूले आफ्नै जिल्लास्थित घरेलु तथा साना उद्योग कार्यालयमार्फत सेवा पाउनेछन् । उद्योग, पर्यटन तथा यातायात मन्त्री प्रचण्ड विक्रम न्यौपाने ले सङ्घीयताको मर्मअनुसार नागरिकलाई सहज र सुलभ सेवा दिन सरकार…

प्यूठान, ऐरावती । ग्रामीण महिलाको आर्थिक सशक्तीकरणका लागि सुरु गरिएको एउटा सानो प्रयास अहिले समुदायभित्र “उपहार अर्थतन्त्र” को प्रेरणादायी उदाहरण बन्दै गएको छ । ऐरावती गाउँपालिका–३ काउलेमा सक्रिय स्वावलम्बी महिला समूहले आफूहरूले पालेका बाख्राबाट जन्मिएका पाठापाठी अर्को “बहिनी समूह” लाई हस्तान्तरण गरेपछि गाउँमा आत्मनिर्भरता र सहकार्यको नयाँ सन्देश फैलिएको हो। तीन वर्षअघि आयआर्जन वृद्धि गर्ने उद्देश्यसहित गठन गरिएको काउले स्वावलम्बी महिला समूहका २० सदस्यले दुई वर्षअघि परियोजनामार्फत बाख्रा प्राप्त गरेका थिए । अहिले त्यही बाख्राबाट उत्पादन भएका पाठापाठी बिहीबार वडा नं. ३ कै सुनगाभा स्वावलम्बी महिला समूह, जावुनेका सदस्यलाई उपहारस्वरूप हस्तान्तरण गरिएको छ। समूहकी अध्यक्ष कमला थापाका अनुसार १८ जना…

प्यूठान — निर्माण सामग्रीमा भएको अत्यधिक मूल्यवृद्धि, इन्धनको महँगी तथा सरकारले समयमै मूल्य समायोजन नगरेको भन्दै निर्माण व्यवसायी संघ प्यूठानले सम्पूर्ण निर्माण कार्य स्वतः बन्द हुन सक्ने चेतावनी दिएको छ। संघले मंगलबार जिल्ला प्रशासन कार्यालय प्यूठानमार्फत नेपाल सरकारलाई ज्ञापनपत्र बुझाउँदै हालको अवस्थामा पुरानै दररेटमा निर्माण कार्य सञ्चालन गर्न असम्भव भएको जनाएको हो। निर्माण व्यवसायीहरूको टोलीले जिल्ला प्रशासन कार्यालय पुगेर प्रमुख जिल्ला अधिकारीसमक्ष ज्ञापनपत्र बुझाएको थियो। प्रशासन कार्यालय अगाडि उनीहरूले धर्ना कार्यक्रमसमेत आयोजना गरेका थिए। प्रदर्शनका क्रममा व्यवसायीहरूले “मूल्यवृद्धिका कारण आयोजना सञ्चालन असम्भव बन्दै गएको” भन्दै सरकारको ध्यानाकर्षण गराएका थिए। संघका अध्यक्ष नवीन कुमार श्रेष्ठद्वारा हस्ताक्षरित ज्ञापनपत्रमा पछिल्लो समय डिजेल, बिटुमिन,…

प्यूठान — राष्ट्रिय स्वतन्त्र पार्टी (रास्वपा) प्यूठान यतिबेला आन्तरिक विवाद, गुटगत असन्तुष्टि र नैतिक प्रश्नको चपेटामा परेको छ। अश्लिल भिडियो प्रकरणपछि जिल्ला सचिव बलदेव महतारा पदमुक्त भएपछि पार्टीभित्रको बिबाध सतहमा आउन थालेको हो । मंगलबार बसेको जिल्ला कार्यसमिति बैठकले महताराको राजीनामा स्वीकृत गर्दै उनलाई सचिव पदबाट हटाएको छ। यद्यपि उनलाई तत्काल साधारण सदस्यबाट भने निष्कासन नगरिएको पार्टी स्रोतले जनाएको छ। तर पदमुक्त भएका महताराले आफूले पदबाट राजीनामा नदिएको र आफूसँग जोडिएको बिषय तथ्यगत नभएको सरोकार पोष्टसँग दाबी गरे । महताराको केही समयअघि गाउँकै एक महिलासँगको यौन सम्बन्ध सम्बन्धी भनिएको भिडियो जिल्ला सभापति विकास पोख्रेलसम्म पुगेपछि पार्टीभित्र हलचल सुरु भएको सम्बद्ध…

प्यूठान — लुप्लुङ्ग माध्यमिक विद्यालयको नाममा सामग्री खरिद गरिएको विषयले अहिले विवादको रूप लिएको छ। विद्यालयले औपचारिक विज्ञप्ति जारी गर्दै प्रक्रियाविपरीत सामग्री खरिद भएको दाबी गरेको छ भने विद्यालय व्यवस्थापन समिति अध्यक्ष श्रीराम भण्डारीले भने यसलाई “मानवीय त्रुटि” मात्र भएको बताएका छन्। विद्यालयको विज्ञप्तिअनुसार विभिन्न मितिमा पटक–पटक विद्यालयको नाममा बिल जारी भएको पाइएको छ। यस्तो कार्य विद्यालय व्यवस्थापन समिति वा सम्बन्धित निकायको पूर्व निर्णय र योजना बिना गरिएको भन्दै विद्यालयले कानुनी प्रक्रियाको उल्लंघन भएको संकेत गरेको छ। सामान्यतया सार्वजनिक संस्थाको नाममा कुनै पनि सामग्री खरिद गर्न औपचारिक निर्णय, प्रक्रिया र अभिलेख आवश्यक पर्ने भए पनि सो प्रक्रिया नअपनाइएको विज्ञप्तिमा उल्लेख…

रोल्पा । रोल्पामा भएको जिप दुर्घटनामा २० जनाको मृत्यु भएको छ । एकजनाको जिवितै उद्धार गरिएको छ । रुकुम पूर्वबाट रोल्पाको जलजलातर्फ जाँदै गरेको जिप भिरबाट करिब एक किलोमिटर तल खसेको जिल्ला प्रहरी कार्यालय रोल्पाले जनाएको छ ।   रोल्पाका प्रहरी नायव उपरीक्षक (डीएसपी) वीरेन्द्र वीर विश्वकर्मा नेतृत्वको टोली दुर्घटनास्थलबाट एक जनाको जिवितै उद्धार गर्न सफल भएको छ । प्रहरीका अनुसार २० जनाको घटनास्थलमा नै मृत्यु भएको हो । लु१ज ४१६७ नम्बरको बोलेरो जिप दुर्घटनामा परेको हो । मृतक सबै सिस्ने गाउँपालिकाका रहेको जिल्ला प्रशासन कार्यालय रोल्पाले जनाएको छ । उनिहरुको अझै सनाखत नभएको प्रहरीले जनाएको छ । जलजलामा वैशाख पूर्णिमाको अवसरमा…

प्यूठान — जिल्लाभर अवैध रूपमा सञ्चालनमा रहेका स्वास्थ्य क्लिनिक, डेण्टल सेवा र मेडिकल हलहरूले बिरामीको स्वास्थ्यसँग खेलवाड गरिरहेको पाइएको छ। सम्बन्धित निकायको कमजोर अनुगमन र कारबाही अभावका कारण यो समस्या वर्षौंदेखि जरा गाड्दै गएको स्थानीयको गुनासो छ। जिल्ला स्वास्थ्य कार्यालय प्यूठानका अनुसार हालसम्म जिल्लामा मापदण्ड पूरा गरी दर्ता भएका पोलिक्लिनिक जम्मा दुईवटा मात्रै छन्। तर ९ वटै स्थानीय तहका मुख्य बजारदेखि गाउँगाउँसम्म अनधिकृत रूपमा क्लिनिक, डेण्टल र मेडिकल सञ्चालन भइरहेका छन्। अनुगमनका क्रममा कतिपयले अर्कै व्यक्तिको नाममा फार्मेसी चलाउने, मापदण्ड विपरीत बिरामी जाँच गर्ने र जथाभावि औषधि बिक्री गर्ने गरेको फेला परेको छ। स्वास्थ्य कार्यालयका अनुसार, मेडिकल हलहरूलाई औषधि बिक्रीको…

कांग्रेस विशेष महाधिवेशन अनुमोदित सर्वोच्च अदालतले नेपाली कांग्रेसको गगन थापाको समूहलाई आधिकारिकता दिने निर्वाचन आयोगको निर्णय सदर गरेको छ । काठमाडौं ।  सर्वोच्च अदालतले नेपाली कांग्रेसको गगन थापाको समूहलाई आधिकारिकता दिने निर्वाचन आयोगको निर्णय सदर गरेको छ । न्यायाधीशहरु शारंगा सुवेदी र नृपध्वज निरौलाको इजलासले नेपाली कांग्रेसको विशेष महाधिवेशनलाई आधिकारिकता दिने निर्वाचन आयोगको निर्णयलाई कानुनसम्म ठहर्‍याएको हो । सर्वोच्चको निर्णयसँग विशेष महाधिवेशनलाई मान्यता दिन नहुने शेरबहादुर देउवा समूहको माग अप्रत्यक्ष रुपमा अस्विकृत भएको हो । सर्वोच्च अदालतका प्रवक्ता अर्जुन कोइरालाले निर्णयको संक्षिप्त आदेश सुनाइरहेका छन् भने सर्वोच्च अदालतले आफ्नो वेबसाइटमा पूर्णबहादुर खड्काद्वारा दायर दायर रिट खारेज भएको जनाएको छ ।…

प्युठान । रातको सन्नाटामा झाडी हल्लिएको आवाजले निम्त्याएको एक गलत अनुमानले एउटा परिवारको उज्यालो निभाइदिएको छ। जंगली जनावर ठानेर चलाइएको गोली लाग्दा १९ वर्षीय सुशिल परियारको ज्यान गएको छ भने घटनामा संलग्न चार जना पक्राउ परेका छन्। तर यो घटना केवल एउटा दुर्घटना मात्र होइन, ग्रामीण किसानले वर्षौंदेखि भोग्दै आएको जंगली जनावरको सास्तीसँग जोडिएको कठोर यथार्थ पनि हो। घटना गौमुखी गाउँपालिका–४ सुँगुरखाल स्थित जुपाल सामुदायिक वनमा चैत २९ गते राति करिब १०:४५ बजे भएको हो। जिल्ला प्रहरी कार्यालयका अनुसार, जंगलको झाडी हल्लिएको आवाज सुनेपछि त्यहाँ रहेका व्यक्तिहरूले बँदेल भएको अनुमान गर्दै गोली प्रहार गरेका थिए। तर त्यो अनुमान गलत सावित…