प्यूठान । संघ र प्रदेशबाट प्यूठान जिल्लामा सञ्चालित आयोजना कार्यान्वयनको अवस्थाको स्थलगत अनुगमन गर्दै लुम्बिनी प्रदेश भौतिक पुर्बाधार समिति सभापति रामजी प्रसाद घिमिरेले लक्ष्य अनुरुप काम नभएको भन्दै दुःख व्यक्त गरेकाछन् । बुधबार प्यूठानका बिभिन्न स्थानिय तहहरुमा प्रदेश सरकारको सहयोगमा सञ्चालन भएका भौतिक निर्माणका ठुला तथा टुक्रे आयोजनाको प्यूठानबाट प्रदेश सभाका सांसदहरु सहितको टोलीले स्थलगत अनुगमन गरेको थियो । अनुगमन पछि जिल्ला समन्वय समिति प्यूठानका उप प्रमुख दुर्गा रेग्मीको अध्यक्षतामा जिल्लामा रहेका सम्बन्धित बिषयत कार्यालय प्रमुख सहित प्यूठान नगरपालिकाका मेयर बिष्णु योगीको कार्यकक्षमा समिक्षा बैठक बसेको थियो । बैठकको सुरुवातमै भौतिक पुर्बाधार समिति सभापति घिमिरेले जिल्लामा सञ्चालित कुनै पनि आयोजनहरु…
