प्यूठान ।केहि दिनदेखि परेको अविरल बर्षाका कारण माछापोखरी फुट्दा प्युठानको खैरामा माछा बगाएको छ । अत्यधिक वर्षातले प्यूठान नगरपालिका–१ खैरा स्थित झिमरुक मत्स्यपालन तथा एकिकृत कृर्षि फर्मको ५ वटा माछा पोखरी भत्किदा माछा बगेका हुन । पोखरी फुटेपछि पोखरीका माछा धानखेत, मोटरबाटो र नदीमा गएको संचालक भोज बहादुर बस्नेतले बताए । बस्नेतको करीब ५ देखि ६ लाख बराबरको माछा नोक्सानी भएको बताउनुभयो । बस्नेतले ५६ रोपनी क्षेत्रफलमा १० वटा पोखरीमा मत्स्यपालन गदै आउनुभएको थियो ।
