काठमाडौं । नेपाल आयल निगमले पेट्रोल र डिजेलको मूल्य घटाएको छ । इण्डियन आयल कर्पोरेशनबाट प्राप्त नयाँ मूल्य घटेर आएपछि नेपालमा पनि मूल्य समायोज गर्दा मुल्य घटेको निगमले बिज्ञप्ती मार्फत जनाएको छ ।
प्रतिलिटर पेट्रोलमा ४ रुपैयाँ र डिजेल, मट्टितेलमा ५ रुपैयाँले घटाइएको हो । जसअनुसार नयाँ मूल्य पेट्रोलको प्रतिलिटर पहिलो वर्गमा १ सय ५६ रुपैयाँ ५० पैसा, दोस्रोमा १ सय ५८ र तेस्रोमा १ सय ५९ रुपैयाँ कायम भएको निगमले जनाएको छ ।
त्यस्तै, डिजेल र मट्टितेलको प्रतिलिटर पहिलो वर्गमा १ सय ४६ रुपैयाँ ५० पैसा, दोस्रोमा १ सय ४८ र तेस्रोमा १ सय ४९ रुपैयाँ भएको कायम भएको निगमले जनाएको छ ।
पहिलो वर्गअन्तर्गत चारआली, विराटनगर, अमलेखगञ्ज, भलवारी, नेपालगञ्ज, धनगढी र वीरगञ्ज छन् भने दोस्रोमा सुर्खेत र दाङ पर्दछन् । त्यस्तै, तेस्रो काठमाडौं, पोखरा र दिपायल पर्दछन् । घटेको मूल्य आजै रातिदेखि लागू हुने नेपाल आयल निगमले जनाएको छ।
