प्यूठान जिल्लाका १३ हजार ७ सय ६३ जना छात्रा तथा किशोरीहरुलाई पाठेघरको मुखको क्यान्सरविरुद्ध ‘ह्युमन प्याफिलोमा भाइरस’ (एचपिभी) खोप लगाइने भएको छ । जनस्वास्थ्य कार्यालय प्यूठानले यही माघ २२ देखि फागुन ६ गतेसम्म देशभर सरकारले सुरु गर्न लागेको खोप अभियान अन्तर्गत प्यूठानका ९ वटा स्थानिय तहका बिद्यालय बाहिरका १० देखि १४ वर्ष उमेर समूहका र १ सय ५० बिद्यालयका कक्षा ६ देखि १० का किशारीहरुलाई एचपिभी खोप लगाइने जिल्ला जनस्वास्थ्य कार्यालय प्यूठानका कार्यालय प्रमुख मधुसुदन खड्काले जानकारी दिए । उनका अनुसार अभियानमा समुदाय स्तरमा ६५ र १ सय ५० बिद्यालय गरी २ सय १५ खोप केन्द्रमा खोप केन्द्र संञ्चालन हुनेछ…
