प्यूठान। आगामी फागुन २१ गते हुने प्रतिनिधि सभा निर्वाचनका लागि मुख्य निर्वाचन अधिकृतको कार्यालय खलंगामा मनोनयन दर्ता कार्यक्रम चलिरहँदा प्यूठानको राजनीतिक माहोल यसपटक अपेक्षाकृत शान्त र आत्मीय देखिएको छ। अघिल्ला निर्वाचनहरूमा आक्रामक र उत्तेजित देखिने प्रमुख दलका नेताहरू यसपटक आपसमा अंकमाल गर्दै शुभकामना आदान–प्रदान गरिरहेका छन्। मनोनयन दर्ताका क्रममा प्यूठानका प्रमुख प्रतिस्पर्धी मानिएका नेकपा एमालेका उम्मेदवार सूर्यबहादुर थापा र नेपाली कांग्रेसका उम्मेदवार डा. गोविन्दराज पोख्रेलबीच देखिएको आत्मीय दृश्यले उपस्थित भीडको ध्यान तानेको थियो। मुख्य निर्वाचन अधिकृतको कार्यालयको गेटबाट प्रवेश गर्दैगर्दा गेटभित्र उभिएका डा. पोख्रेललाई अंकमाल गर्दै थापाले भने,“२०७९ मा तपाईं उम्मेदवार नहुँदा मेरो जित भयो, तर त्यसबेला मेरो छोरो रोएको…
