Day: २०८२ आश्विन १, बुधबार

लुम्बिनी प्रदेश । रुकुम–पूर्व र बागलुङ सीमा नजिक पतिहाल्ने भञ्ज्याङलाई केन्द्रबिन्दु बनाएर बुधबार राति ८:२५ बजे ४.६ म्याग्निच्युडको भूकम्प गएको राष्ट्रिय भूकम्प मापन केन्द्रले जनाएको छ। धक्का आसपासका जिल्लामा महसुस भए पनि ठूलो क्षति नभएको प्रारम्भिक अनुमान गरिएको छ ।

काठमाडौँ । पार्टीलाई वैचारिक सांगठनिक र नेतृत्वमा पुनर्गठन गर्न माग गर्दै नेपाली कांग्रेसका युवा नेताहरूले आजदेखि नयाँ अभियान शुरू गरेका छन् । विभिन्न महाधिवेशन प्रतिनिधि तथा महासमिति सदस्यहरूको प्रारम्भिक भेलाले पार्टीलाई वैचारिक सांगठनिक र नेतृत्वमा पुनर्गठन गर्न माग गरेका हुन्। पार्टीको पुनर्गठनका लागि विशेष महाधिवेशन अहिले अत्यावश्यक भएको उनीहरूको निष्कर्ष छ। विशेष महाधिवेशन कोजाग्रत पूर्णिमाका दिन आयोजना गर्न प्रस्ताव गरिएको भेलाका अगुवा तथा कांग्रेस महासमिति सदस्य नारायणप्रसाद भट्टराईले जानकारी दिए । पार्टी पुनर्गठनको अभियान र विशेष महाधिवेशनका लागि व्यापक दबाब दिन असोज ३ गते संविधान दिवसका दिन महाधिवेशन प्रतिनिधि तथा महासमिति सदस्यहरूको बृहत भेला आयोजना गरिने आजको भेलाले निर्णय गरेकोसमेत…