काठमाडौं । सौर्य एअरको विमान दर्घटनामा १८ जनाको ज्यान गएकोछ । दुर्घटनामा परेका मध्य १ जनाको जिवितै उद्धार गरिएकोछ ।
काठमाडौं उपत्यका प्रहरी कार्यालय रानिपोखरीका एआईजी दीपक थापाका अनुसार ४ जनालाई जीवितै उद्धार गरिएको थियो । तर उद्धार गरिएका मध्य एक जनालाई सिनामंगलस्थित केएमसी अस्पतालमा उपचार भैरहेको छ । तर शिक्षण अस्पताल महाराजगञ्जमा उपचारका लागि पठाईएका अन्य ३ जनाको पनि मृत्यू भएको खोज तथा उद्दार समन्वय केन्द्रले जनाएकोछ । यो सँग दुर्घटनामा मृत्युहुनेको संख्या १८ पुगेको हो ।
बिहान करिब ११ बजेतिर त्रिभुवन अन्तराष्ट्रिय विमानस्थल नजिकै सौर्य एयरलाइन्सको विमान दुर्घटना भएको हो ।
काठमाडौंबाट पोखराका लागि उडान गर्दै गर्दा उक्त विमान दुर्घटनामा परेको हो । बिमानमा १९ जना सवार रहेको त्रिभुवन बिमानस्थलले जनाएको छ । दुर्घटनामा परेको उक्त बिमानमा पोखरामा रहेको जहाज मर्मतका लागि हिडेको बताईएकोछ । अधिकांस सौर्य एअरकै कर्मचारी रहेको नेपाल प्रहरी स्रोतले बताएकोछ ।
विमानस्थलबाट उड्नेबित्तिकै असन्तुलित भएर जहाज तल भूइँमा खसेको प्रतक्षदरशिले बताए । दुर्घटनापछि विमानमा आगलागी भएको थियो ।
बिमानमा सवार यात्रहरुको बिबरण:
