प्यूठान । प्यूठानबाट स्वर्गद्धारी गौमुखी यातायात सेवा प्रा.ली.ले दशै अघि २० प्रतिशत शुल्क वृद्धि गरेर चर्को भाडादर असुलेकोमा दशै पछि काठमाण्डौ फर्कने यात्रुलाई भाडामा २० प्रतिशत छुट दिने निर्णय गरेको छ ।
प्रा.ली.को सोमबार बसेको बैठकले असोज २७ गतेदेखी कार्तिक २२ गतेसम्म प्यूठानबाट काठमाण्डौ जाने यात्रुलाई भाडामा २० प्रतिशत छुट दिने निर्णय गरिएको प्रा.लीका अध्यक्ष चन्द्रमान श्रेष्ठले जानकारी दिए । शोमबार प्यूठानको जुम्री स्थित प्रा लिको कार्यालयमा पत्रकार सम्मेलन गर्दै प्रा.लि ले दशैमा गाउँ फर्कने यात्रुसंग लिइएको २० प्रतिशत अतिरिक्त शुल्क लिएको थियो । जिल्ला प्रशासन कार्यालयमा भएको सर्ब पक्षिय बैठकको म्याण्डेड अनुसार अतिरिक्त शुल्क वापतको रकम यात्रुलाई फिर्ता गराउन निर्देशन भएपछि उक्त समिति शुल्क फिर्ता गर्न बाध्य भएको हो ।
जिल्ला प्रशासननको दवाबले प्रा.लीले प्यूठानदेखी काठमाण्डौसम्म दैनिक एसी र डिलक्स बसहरु सञ्चालन गर्दै आइरहेको छ । स्वर्गद्धारी गौमुखी यातायात सेवा प्रा.ली.ले प्यूठानदेखी काठमाण्डौ जादा हाल डिलक्स गाडीमा १६५० रुपैया र एसी गाडीमा १९४४ रुपैया भाडा तिर्दै आएकोमा दशै पछि डिलक्स गाडीमा १३२० रुपैया र एसी बसमा १५५५ रुपैया भाडा लाग्ने समितीका अध्यक्ष चन्द्रमान श्रेष्ठले जानकारी दिए ।
स्वर्गद्धारी गौमुखी यातायात सेवा प्रा.ली.ले दशैमा अनलाईन मार्फत १ हजार ४० जनाले नियमित र २ हजार अतिरिक्त गाडीका लागी यात्रुले सिट बुकिङ्ग गरिसकेका छन् । नियमित तर्फ पहिलेनै टिकट बुकिङ भैसकेकाछन् ।
प्रा.लीले जिल्ला प्रशासनको दवाबका कारण दशैको समयमा काठमाण्डौबाट प्यूठान आउने अतिरिक्त गाडीमा २० प्रतिशत बढि भाडा ल्याउने निर्णय समेत रद्ध गरेको छ ।
