लुम्बिनी प्रदेश।
नेपाल प्रेस युनियन लुम्बिनी प्रदेशले शोमबार प्रतिनिधिसभा निर्वाचनलाई लक्षित गर्दै प्रदेश राजधानी भालुवाङमा प्रतिनिधिसभा निर्वाचनलाई लक्षित गर्दै रणनीतिक अभियान सञ्चालन गरेको छ । आगामी फागुन २१ गते हुन गइरहेको निर्वाचनमा नेपाली काँग्रेसका उम्मेदवारलाई विजयी गराउने उद्देश्यले युनियनले निर्वाह गर्नुपर्ने भूमिका, गतिविधि र आगामी कार्ययोजनाबारे विस्तृत छलफल गर्न उक्त अभियान आयोजना गरिएको हो ।
शोमबार भालुवाङमा भएको कार्यक्रमका प्रमुख अतिथि नेपाल प्रेस युनियनका केन्द्रीय अध्यक्ष शिव लम्सालले लोकतन्त्र सुदृढीकरणमा प्रेस युनियनको भूमिका अझ जिम्मेवार र सक्रिय हुनुपर्ने आवश्यकता औँल्याए । उनले भने,”यसपटकको निर्वाचनमा लोकतान्त्रलाई जोगाउने लडाई हो । त्यसैले यो लडाई लोकतान्त्रबादीहरुले जित्नुपर्छ।”
उनले प्रतिनिधिसभा निर्वाचन मुलुकको राजनीतिक भविष्यसँग प्रत्यक्ष जोडिएको विषय भएकाले सचेत, तथ्यपरक र जिम्मेवार पत्रकारिता अपरिहार्य रहेको बताए । ‘निर्वाचनको समयमा गलत सूचना, अफवाह र भ्रम फैलाउने प्रयासहरू हुन सक्छन्, यस्ता गतिविधिको प्रतिरोध गर्दै सत्य र तथ्य जनतासम्म पु¥याउनु प्रेस युनियनको मुख्य दायित्व हो,’ लम्सालले भने ।
उनले नेपाली काँग्रेस लोकतान्त्रिक मूल्य र संविधानको रक्षाका लागि प्रतिबद्ध दल भएकाले काँग्रेसका उम्मेदवारलाई विजयी गराउन प्रेस युनियनले वैचारिक र नैतिक समर्थन जनाउनुपर्ने धारणा राखे । युनियनका सदस्यहरूले आफ्नो पेशागत मर्यादा कायम राख्दै लोकतन्त्र र संविधानको पक्षमा जनमत निर्माण गर्न योगदान पु¥याउनुपर्ने उनको भनाइ थियो ।
यसैबिच आगामी निर्वाचनका सन्दर्भमा संगठनको भुमिका र रणनैतिक बिषयमा केन्द्रीय महासचिव दिलिप पौडेलले प्रकास परेका हुन् । कार्यक्रममा प्रदेश तथा जिल्लाका युनियनका पदाधिकारी र सदस्यहरूको उल्लेखनीय उपस्थिति रहेको थियो ।
कार्यक्रममा सहभागी वक्ताहरूले निर्वाचनको समयमा प्रेस स्वतन्त्रता, पत्रकार सुरक्षा र व्यावसायिक मर्यादाको विषयमा समेत चर्चा गरेका थिए। उनीहरूले निर्वाचनका क्रममा पत्रकारमाथि हुने सम्भावित दबाब, धम्की वा अवरोधप्रति युनियन सजग रहनुपर्ने र आवश्यक परे संस्थागत रूपमा प्रतिवाद गर्नुपर्ने धारणा व्यक्त गरे ।
रणनीतिक अभियानअन्तर्गत स्थानीय तहसम्म पत्रकारहरूलाई संगठित गर्ने, निर्वाचन सम्बन्धी सचेतनामूलक सामग्री प्रकाशन तथा प्रसारण गर्ने, भ्रामक समाचारको खण्डन गर्ने र लोकतान्त्रिक मूल्य मान्यताको पक्षमा बहस सिर्जना गर्ने योजना बनाइएको जनाइएको छ । साथै सामाजिक सञ्जालको प्रभावकारी प्रयोग गर्दै युवामाझ सकारात्मक सन्देश प्रवाह गर्ने विषयमा पनि छलफल भएको थियो ।
प्रदेश कार्यबाहक अध्यक्ष जयसिंह के.सी.को अध्यक्षतामा लुम्बिनी प्रदेश स्तरीय भेला सम्पन्न भएको हो । कार्यक्रममा केन्द्रीय समितिका बरिष्ठ उपाध्यक्ष प्रेम केसी, उपाध्यक्ष माधव अर्याल, लगायत पदाधिकारी तथा सदस्यहरु, लुम्बिनी प्रदेशका १२ जिल्ला अध्यक्ष सहितको सहभागितामा छलफल सम्पन्न भएको छ । युनियनले यस अघि कर्णाली र सुदूरपश्चिम प्रदेशमा रणनीतिक बैठक सम्पन्न गरिसकेको जनाएको छ ।
