न्याय समिति बिच सिकाई आदान-प्रदान प्यूठान धनवाङ्गमा

प्यूठान । जिल्ला स्तरीय न्यायिक समितिहरुका बिच दुईदिने सिकाई आदानप्रदान तथा समीक्षा कार्यक्रम स्वर्गद्वारी नगरपालिकाको पर्यटकिय स्थल धनवाङमा सुरु भएकोछ । स्वर्गद्वारी नगरपालिका वडा नम्बर दुईकाे सामुदायिक मगर हाेमस्टे धनवाङमा कार्यक्रम शुभारम्भ भएको प्यूठान नगरपालिकाका उपप्रमुख देवेन्द्र बर्माले बतनउनुभएको हो ।

स्थानिय तहमा सहज न्याय सम्पादनकाे लागि न्यायिक समितिहरु बिच सिकाई आदान प्रदान गर्ने र आपसमा हातेमालो गर्ने उद्देश्यले कार्यक्रम आयोजना गरिएको बताईएकोछ ।
जिल्लाका नाै वटै स्थानीय तहका न्यायिक समितिका पदाधिकारी र न्यायिक क्षेत्रमा कार्यरत कर्मचारीहरुकाे उपस्थिति रहेकाे थियाे । स्थानिय तहमा न्यायिक क्षेत्रमा भए गरेका कार्यहरुकाे बिवरण चुनाैति तथा न्याय सम्पादनमा गरेका गतिविधिहरुकाे प्रदिबेदन प्रस्तुत गरीएकाे थियाे । दुई दिन सम्म चल्ने उक्त कार्यक्रममा बिषयबस्तु, न्याय सम्पादनमा देखिएका चुनौती र अवसरहरुका बारेमा प्यूठान नगरपालिकाका उप प्रमुख देबेन्द्र बर्माले प्रकाश पार्नु भएकोछ । स्थानिय तहको न्याय सम्पादन अन्तरगत प्यूठान नगरपालिका देशभरमै उत्कृष्ट भएको बताईएकोछ ।