प्यूठान — २०८२ असार
प्यूठान जिल्लाका ९ वटै स्थानीय तहहरूले आ.व. २०८२/८३ का लागि करिब ५ अर्ब ७९ करोड ६७ लाख रुपैयाँको अनुमानित बजेट सार्वजनिक गरेका छन्। कतिपय पालिकाले नवीन कार्यक्रम अघि सारेका छन् भने कतिपयले पुरानै महत्वकांक्षि योजनाहरूलाई निरन्तरता दिएका छन्।
🔹 स्थानीय तहअनुसार बजेट विवरणः
नवीन कार्यक्रम: के–के छन् नयाँ ?
गौमुखी गाउँपालिका
“मूलदेखि मुखसम्म पानी अभियान” – एक घर, एक धारा योजना कार्यान्वयन गरिने।
मल्लरानी गाउँपालिका
“खेतबारीमा तरकारी, घरघरमा रोजगारी” – उत्पादन आधारित अनुदानलाई प्राथमिकता।
नौबहिनी गाउँपालिका
“फर्क युवा, बन उद्यमी” – विदेशबाट फर्किएका युवालाई कृषि उद्यमतर्फ आकर्षण।
सरुमारानी गाउँपालिका
– डिजिटल शिक्षा प्रवर्द्धन कार्यक्रम र छोरी पेवा बचत कार्यक्रमलाई निरन्तरता।
ऐरावती गाउँपालिका
– सहकारीमार्फत कृषिजन्य तथा औद्योगिक वस्तुको बजारीकरण योजना।
पुराना योजनाको निरन्तरताः
प्यूठान नगरपालिका
– “एक वडा, एक पक्की सडक” योजना निरन्तर। – प्रवक्ता शुमनराज श्रेष्ठले नयाँ कार्यक्रम नरहेको बताए।
झिमरुक गाउँपालिका
– शिक्षा क्षेत्रलाई उच्च प्राथमिकता। – ४२ करोड २५ लाख रुपैयाँ शिक्षा क्षेत्रमा विनियोजन।
माण्डवी गाउँपालिका र स्वर्गद्वारी नगरपालिका
– पूर्ववत् कार्यक्रमहरूलाई निरन्तरता दिई बजेट निर्माण।
प्यूठानका स्थानीय तहहरूले सार्वजनिक गरेका बजेटहरूमा स्थानीय आवश्यकता, रोजगारी, उत्पादन, जल व्यवस्थापन, र शिक्षा क्षेत्र प्रमुख प्राथमिकतामा परेका छन्। “सजग सरकार, स्थानीय विकासमा लगानी” भन्ने भावनालाई समेट्ने प्रयास बजेटमा देखिन्छ।
