प्यूठान । जिल्ला प्रहरी कार्यालय प्यूठानले प्यूठानको माण्डवी गाउँपालिका २ रातापनीमा घरभित्रै मृत भेटीएका दम्पती हत्यामा संलग्ललाई पक्राउ गरि आईतबार सार्बजनिक गरेकोछ । दम्पती हत्या गर्ने रातापानीकै ३४ बर्षिय पंकज परियार रहेको जिल्ला प्रहरी कार्यालय प्यूठानका सुचना अधिकारी केशव केसीले बताए ।
शनिवार दिउसो बङ्गलाचुली र प्यूठानको माण्डवी २ रातापानी सिमाना क्षेत्र स्थित रातापानीका दम्पती बर्ष ६० का रामबहादुर परियार र उनकी श्रमती ५६ बर्षय हुकुमा मृत फेला परेको सूचना पाएपछि घटनास्थल पुगेको प्यूठानको प्रहरी टोलीले घटना बिवरण अध्ययन गर्दै जाँदा अपराधी समाउन सफल भएको हो । घरको कोठाभित्र मृत अबस्थामा फेला परेपछि स्थानियले जिल्ला प्रहरी कार्यालय प्यूठानलाई शनिवार प्रहरीलाई जानकारी गराएका थिए । प्रहरी टोली घटनास्थल पुगि अवस्था बुझ्दा मृतक दुवैको टाउको र शरीरका बिभिन्न भागमा बीभत्स चोट देखेपछि प्रहरीले घटना संखास्पद भएकोले अनुशन्धान सुरु गएको थियो । घटनाको अनुसन्धानका लागि जिल्ला प्रहरी कार्यालय प्यूठानका प्रहरी प्रमुख प्रहरी नायब उपरीक्षक दिपेश बस्याल र प्रहरी निरीक्षक केशव केसी सहितको अनुसन्धान टोलीले भैरहवाबाट तालिमप्राप्त कुकुर ल्याएर अनुसन्धान गरेको थियो । दम्पतीको हत्यामा घनको प्रयोग भएको हुनसक्ने आशंका गरिएको र घटनास्थलको ५० मिटर पर बारीमा रगतले लतपतियको घन भेटाए पछि घटना हत्यानै भएको प्रहरीले अनुमान गरेको थियो ।
मृतक दम्पतीका ४ छोरा बैदेशिक रोजगारमा गएको र बिवाहित छोरीहरु दाङ रहेकाले घरमा दम्पती बस्दै आएको र युभिक्त सँग आपसी झगडा भैरहेकोले योजना बनाएर घटना घटाएको प्रहरी अनुन्धानबाट खुलेको हो । 
