प्यूठान । नौबहिनी गाउँपालिकामा बाल विवाह विरुद्धको रणनीति तर्जुमा कार्यशाला सम्पन्न भएको छ । बिहिवार गाउँपालिकाको आयोजना तथा सार्प रिसर्च सेन्टर प्रा. लि. काठमाडौको प्राविधिक सहयोगमा एक दिवसीय बाल विवाह विरुद्धको रणनीति तर्जुमा कार्यशाला कार्यक्रम सम्पन्न भएको हो । बाल विवाहलाई शुन्यमा पुर्याउन गाउँपालिकाले १० वर्षे रणनीति तयार गर्ने उद्देश्यले कार्यक्रमको आयोजना गरिएको गाउँपालिकाका प्रमुख प्रशासकीय अधिकृत शिवराज पौडेलले बताउनुभयो ।
कार्यक्रमका प्रमुख अतिथि एवं गाउँपालिकाका अध्यक्ष दिल बहादुर थापाले जनस्तरमा अझै चेतनाको अभावले बाल विवाह हुने गरेको बताउदै अबको १० वर्षमा शुन्यमा पुर्याउन धार्मिक, सांस्कृतिक एवं विविध पक्षका कार्यक्रम विद्यालय तथा समुदाय स्तरमा कार्यक्रम भैसके पनि जनस्तरमा दिगो संकल्पका साथ चेतनाको अभिवृद्धिला लागि रणनीति तयार गर्नुपर्ने आवश्यकतालाई मध्यनजर गर्दै उक्त कार्यक्रम गरिएको बताउनुभएको छ ।
विभिन्न राजनैतिक दल, माध्यमिक विद्यालयका प्र. अ., सरकारी तथा गैरसरकारी संघ संस्था, सामाजिक अगुवा व्यक्तित्वहरुले आ-आफ्नो तर्फबाट बाल विवाह न्यूनीकरण सम्बन्धि ठोस एजेन्डा प्रस्तुत गर्नुका साथै गाउँपालिकाले रणनीति तयार गरेर अघि बढे पुर्ण रुपमा समर्थन जनाएर यो महाअभियान सफल पार्ने विश्वास व्यक्त गर्नुभएको थियो ।
