प्यूठान । सामाजिक ज्ञानको सचेतना तथा बिद्यालयको शैक्षिक उपलब्धि सुधारका निम्ति आज जनता माद्यामिक बिद्यालय ऐरावती ६ बिजुलीमा सरोकारवाला सँग अन्तरक्रिया गरिएकोछ । अन्तरक्रियाले बिद्यालयमा भौतिक पुर्बाधारले मात्र शैक्षिक उपलब्धि नहुने भन्दै सामाजिक पुर्वाधार आवस्यक भएको निष्कर्ष निकालेको छ ।
सामाजिक विकास डिभिजन कार्यालय प्यूठानको आयोजनामा शुसाशनका लागि बिद्यालयमा सामाजिक पुर्बाधार विकास भन्ने मुख्य ऐजेण्डा सहित अन्तरक्रिया सम्पन्न गरिएको सामिजिक विकास डिभिजन कार्यालयले जनाएकोछ । कार्यक्रमको सहजिकरण गर्दै सहायक प्रमुख जिल्ला अधिकारी लक्ष्मी शर्माले बिद्यालयको शैक्षिक गुणस्तर बृद्धिगर्न वडाका जनप्रतिनिधि, बिद्यालय व्यवस्थापन समिति, अभिभावक र बिद्यार्थी प्रयत्नशील भएमा लक्ष्य हाँसिल गर्न कुनै कठिनाई नहुने बताउनुभयो । उहाँले भन्नुभयो,` सिकाइ उपलब्धीमा अभिभाबक, शिक्षकले सहि दिशादिन जरुरी छ । बिद्यार्थी सफल हुन अनुशासन र डर दुबै चाहिन्छ ।´ उहाँले बिद्यार्थीले जीवन उपयोगि शिक्षामा जोड दिनु पनि आग्रह गर्नुभयो ।
यसै बिच सामाजिक विकास डिभिजन कार्यालय प्रमुख पुण्यप्रसाद न्यौपानेले बिद्यालयमा भौतिक मात्र भएर नहुने भन्दै सामाजिक पुर्वाधार झन धेरै आवस्यक हुने बताउनु भयो । उहाँले स्थानिय तह, बिद्यालयका सम्पुर्ण परिवारनै सामाजिक ज्ञान अभिबृद्धि गर्न प्रयत्नशिल हुनुपर्ने बतनउनुभयो ।
डिभिजन प्रमुख न्यौपानेकै अध्यक्षतामा अन्तरक्रिया सम्पन्न भएको कार्यालयका सुचना अधिकारी सुजन ढकालले बताउनुभयो । अन्तरक्रिया कार्यक्रमको सहजिकरण कार्यलयका ईन्जिनियर पारस भण्डारीले गर्नुभएको थियो ।
