“म सांसद भएँभने मलाई कसैले गाली नगर्नेगरी काम गर्छु” : डा.पोख्रेल

प्यूठान। नेपाली कांग्रेसका पुर्व केन्द्रीय सदस्य तथा प्यूठानबाट प्रतिनिधि सभा सदस्य निर्वाचनका उम्मेदवार डा.गोबिन्दराज पोख्रेलले आफू संसद जितेर काम गर्ने अवसर पाएमा कसैलेपनि गालि नगर्ने गरी काम गर्ने बताउनुभएको छ ।

प्यूठानकाे नौबहिनी गाउँपालिकाका विभिन्न वडाहरुमा भोट माग्दै मतदाताको घरदैलोमा पुगेका डा. पोख्रेलले स्थानियका गुनासा सुन्दै प्यूठानबासीको चाहना पुरा गर्ने प्रतिबद्धता ब्यक्त गर्दै आफूलाई रुख चिन्हमा भोट दिन आग्रह गर्नुभएको छ । उहाँले भन्नुभयो,”मलाई एकपटक प्रतिनिधि सभा सांसद जिताएर पठाउनुस्, त्यसपछि तपाईहरुले मलाई गालि नगर्नेगरी नीतिगत परामर्श र आर्थिक सामाजिक विकास र युवाको सीप विकासका सवालमा मैले सम्झनेगरी योजना वनाएर काम गर्ने छुँ ।”  
उहाँले सबैका आ-आफ्नै दल भएपनि यसपाली सबैले आफूलाई भोटदिन आवहान समेत गर्नुभएको छ ।