प्यूठान अस्पतालको सौचालयमा बिरामी कुरुवा मृत फेला

प्यूठान । रोल्पाको लुङ्ग्री गाउँपालिका वडा नं -३ चिउरीपाखा सिर्प घर भई प्यूठान अस्पताल बिजुवारमा सुत्केरी गराउन आफ्नो भान्जी लिएर आएका एक जना कुरुवा अस्पतालमको सौचालयमा मृत फेला परेका छन् ‌।

तीनदिन अघि भान्जीको प्रसुतीका लागि अस्पताल आएका ४० वर्षिय तेजबहादुर घर्तिमगर अस्पताल प्रसुती -गृहको सौचालयमा मृत भेटिएकाे जिल्ला प्रहरी कार्यालय प्यूठानका सूचना अधिकारी ईन्सपेक्टर युवन चौधरीले बताए । घटनाको प्रकृति हेर्दा उनि सौचालयमा चिप्लिएर लडेर मृत्यु भएको हुन सक्ने प्रहरीको अनुमान छ । परिवार आफन्त आई नसकेको कारण मृतकको शव घटनास्थलमै रहेको उनले बताए। प्रहरीले घटनाको विषयमा आवस्यक अनुसन्धान प्रकृया अघि बढाएको बताएको छ ।
    सौचालयमा बत्ति नभएकोले राती अध्यारोमा चिप्लिएर लडेको प्रहरीको प्रारम्भिक अनुसन्धानले देखाएको छ । अस्पताल प्रसुती गृह जस्तो सम्वेदनशील ठाउको देवालयमा बत्ति समेत व्यवस्था नहुनु अस्पताल व्यवस्थापन तथा प्रशासनिक कम्जोरी रहेको सेवाग्राहीले बताएका छन् । तर अस्पतालका सुचना अधिकारी अनिल सापकोटाले अध्यारोको कारण नभएर अन्य कारण हुन सक्ने बताए । मृतकको पोष्ट माटम पछि मात्र खास कारण थाहा हुने उनले बताए।