प्यूठानमा SEE परिक्षामा ४ सय ४६ जना उत्रिण भएकाछन् ।गत चैत ७ गते देखि सुरु भएको माध्यमिक शिक्षा SEE को परिक्षामा सामेल भएका ३ हजार ७ सय ३५ बिद्यार्थीहरु मध्य १२ प्रतिशत मात्रै उत्रिण भएकाे जिल्ला शिक्षा विकास समन्वय ईकाई कार्यालयले जनाएको छ । उत्रिण हुने मध्य ३० जनाले मात्र A+ ग्रेड प्राप्त गरेकाछन् ।
कुन पालिकामा कति उत्रिण भए ?
मल्लरानी गाउँपालिका
संस्थागत ८ र सामुदायिक तर्फ ३२ गरि ४० जना उतृण भएकाछन् । संस्थागत तर्फ १७ र सामुदायिक तर्फ २८८ गरि ३०५ ले परीक्षा दिएकाथिए ।
झिमरुक गाउँपालिका
सामुदायिक बिद्यालय तर्फ ४३९ परिक्षामा सामेल भगका मध्य ७३ जना उत्रिण भएकाछन् । यस्तै संस्थागत तर्फका १६ जना मध्य १४ जना गरि जम्मा ८७ उत्रिण भएकाछन्।
गौमुखी गाउँपालिका
सामुदायिक बिद्यालय तर्फ ३५१ जना परिक्षामा समेल भएकोमा २४ जना मात्र उत्रिण भएकाछन् ।
नौबहिनी गाउँपालिका
सामुदायिक बिद्यालय तर्फका परिक्षामा सहभागी भएका ५०३ बिद्यार्थी मध्य जम्मा १३ जना मात्र उत्रिण भएकाछन् । यश पालिकामा १० वटा माध्यमिक तहका बिद्यालय मध्य ६ वटा बिद्यालयमा १ जना पनि उत्रिण हुन सकेनन् । संस्थागत माबि यसपालिकामा सञ्चालनमा छैनन् ।
प्यूठान नगरपालिका
यश पालिकामा खुल्ला १९ सहित ८२३ ले परीक्षा दिएका थिए । जसमध्य १८६ उतृण भएकाछन् । संस्थागत ९७ जना र सामुदायिक तर्फ ८८ र खुल्ला तर्फ १ जना गरि जम्मा १८६ पास भएकाछन् ।
सरुमारानी गाउँपालिका
सामुदायिक बिद्यालय तर्फका ३४७ सहभागी मध्य १९ मात्र उत्रिण भएकाछन् ।
स्वर्गद्वारी नगरपालिका
सामुदायिक तर्फका ३६० मध्य ३३ ,धार्मिक स्वर्गद्वारी १२ जना सहभागी मध्य ११ , संस्थागत तर्फका ५७ जना मध्य २४ गरि जम्मा ६८ जना बिद्यार्थी उत्रिण भएकाछन्
ऐरावती गाउँपालिका
यो पालिकामा रहेका ७ वटा सामुदायिक बिद्यालयहरुबाट ३७२ जना परिक्षामा सामेल भएका थिए । तर १ जना मात्र बिद्यार्थी उत्रिण भएकाछन् ।
माण्डवी गाउँपालिका
यो पालिकाबाट सबै भन्दा कम बिद्यार्थी परिक्षामा सामेल भएकाथिए । परिक्षामा सामेल भएका २०३ जना मध्य १२ जना बिद्यार्थी उत्रिण भएकाछन् ।
