प्यूठान । उद्यमशील संस्कृति,राष्ट्रको समृद्धि भन्ने मुख्य रणनीतिलाई अवलम्बन गर्दै उत्पादित वस्तुको गुणस्तर कायम उद्योगी व्यवसायी हरुलाई खाद्य प्रबिधि तथा गुण नियन्त्रण कार्यालयले निर्देशन गरेकोछ ।
खाद्य स्वच्छता सम्बन्धि बिषयमा शुक्रबार भएको छलफलमा खाद्य प्रबिधि तथा गुण नियन्त्रण कार्यालय तुल्सिपुरका खाद्य निरिक्षक अधिकारी शुदर्शन गोसाईले व्यवसायीहरुलाई यस्तो निर्देशन गरेकाहुन् ।
उत्पादित वस्तुको गुणस्तर र लेभलिङ्ग सम्बन्धि अभिमुखिकरण कार्यक्रममा खाद्य पदार्थमा भौतिक, रसायनिक र जैविक (हजार्ड) पदार्थको बढि प्रकोप रहेको भन्दै खाद्य पदार्थमा शुद्धता कायम गर्न निर्देशन गरिएको हो ।मासुजन्य पदार्थमा भेटनरी ड्रगको प्रकोप ५० प्रतिशत भन्दा धेरै देखिएको उनले बताए ।
घरेलु तथा साना उद्योग कार्यालय प्यूठानले कार्यक्रमको आयोजना गरेको हो । कार्यक्रममा लुम्बिनी प्रदेश सांसल धनलक्ष्मी श्रेष्ठको प्रमुख आतिथ्यमा सम्पन्न धएकोछ ।
